e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Somvig [Sonvig], Giovanni Antonio Son Benedetg  Somvig [Sonvig], von Schlatta da la burgaisia auta dal Mesauc, attestada dapi il 1247 a Soazza, a partir dal 16. tsch. era a Mesocco. Il num S. deriva dal quartier summo vico (sisum il vitg) a Soazza. Members da la fam. èn stads notars ed han occupà funcziuns politicas impurtantas en la val ed en las Trais Lias. Ina part da la lingia da Soazza ha convertì a la refurmaziun, tr. quels Giovanni Pietro ch'è stà medi, chancelier da la val (1556), delegà dals Mesolcinais ref. a Turitg (1559), notar public (1560-63), cumissari da Clavenna (1561-62) e vicari a Sunder (1567-69). Era Giovanni Antonio appartegneva a questa lingia. Giovanni Pietro e Giovanni Antonio han sustegnì la minoritad ref. da la val ed han gidà ella a fundar in'atgna baselgia ad Andergia (vischn. da Mesocco). Els han protegì il preditgant Giovanni Beccaria ed il magister Giovanni Antonio Viscardi a Roveredo. Da la lingia cat. da Soazza derivava tr.a. Giovanni (ca. 1568 - ca. 1616), dr. teol. e preses dal chapitel da Roveredo, in dals candidats per la sedia da l'uvestg da Cuira il 1601. Da la medema lingia provegniva era Rodolfo (1783-1864), maister spazzachamin emigrà a Puntina. Ses descendents èn sa domiciliads en l'Austria ed en la Baviera. In biadi da Tommaso (1691-1724) da Soazza, Tommaso Maria (1724-93), è stà banchier da la curt dals Thurn und Taxis a Regensburg (Baviera). Archiv: ASGR, actas dal pajais e collecz. da doc. Litteratura: C. Santi, La famiglia Sonvico di Soazza e di Mesocco, en: Bollettino genealogico della Svizzera italiana 9, 2005, nr 9, 64-85. Martin Bundi  Somvig [Sonvig], Giovanni Antonio Son Benedetg  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: