e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  SRR Stäger, Johann Anton  Stadion, von Ils signurs von S. u Stadgen, cun residenza principala ad Oberstadion (Württemberg), èn cumparids en il 14. tsch. sco purtaders d'in feud episcopal ed austr. en Rezia ed en Glaruna. Sco possessurs d'in pegn da l'uvestgieu da Cuira residiavan els sin il chastè d'Alt-Aspermont (1338-43) e sco chapitanis da quel sin la Fürstenburg en il Vnuost (1382). Il 1340 è Ludwig daventà avugà austr. a Glaruna. Il 1352 ha manà Walter las truppas austr. nà da Weesen cunter ils Glarunais ed è crudà sper Näfels. Il 1348 resp. il 1353 residiavan ils S. - Walter resp. Konrad e Ludwig - sin il chastè da Marschlins sper Eigias. La ruina dal chastè da S. a Luzein ha d'engraziar ses num, sco ch'i para, als signurs von S. che na pon dentant betg vegnir cumprovads sco possessurs da quel. Il chastè è vegnì erigì en il 13. tsch., prob. dals signurs d'Aspermont. Il 1343 ha Walter testimonià il passadi da bains dals Aspermonts als signurs de Matsch.   Funtaunas: R. Thommen, Urkunden zur Schweizer Geschichte aus österreichischen Archiven 1, 1899, nr 424. Litteratura: Clavadetscher/Meyer, Burgenbuch, 280, 305. Florian Hitz  SRR Stäger, Johann Anton  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: