e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Streicher, Marcus Stricker, Aita  Streif [Straif, Straiff] Famiglia da ministerials dal chapitel catedral da Cuira e dals signurs de Vaz. Ils S., che derivavan eventualmain d'ina fam. gualsra, eran burgais da Cuira en il temp medieval tardiv. La fam. aveva bains en il Scanvetg, en il Partenz ed en il Signuradi sco era a Cuira; ella possedeva numerus chastels, p.ex. il chastè da Strahlegg a Fadrein, quel da Sansch Sut e Sansch Sura (Kapfenstein) a Cuvlignas sco era ils chastels da Neu-Aspermont sur Gianin e da Falkenstein sper Eigias. In Johann è vegnì fatg praschunier il 1335 en la Faida da Razèn. L'exponent il pli influent da la fam. era enturn il 1350 Albrecht ch'aveva possess en il Partenz, en il Scanvetg ed a Tavau e che disponiva era da blers bains en la regiun da Maiavilla. Il 1403 è passà l'entir possess dals S. al cont Friedrich VII de Toggenburg. Cun quai è la fam. sparida dal Grischun.  Litteratura: Clavadetscher/Meyer, Burgenbuch, 273, 275 s.; J. Mutzner, Mutzner: Chronik eines Walser Geschlechts, 2000²; Simmen, Wappen, 169, 171. Paul Eugen Grimm  Streicher, Marcus Stricker, Aita  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: