e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Stuppan, Bart Stuppan [Stupan, Stuppa, Stoppa], Hans Baptista  Stuppan [Stupan, Stuppa, Stoppa] Famiglia immigrada en il 13. e 14. tsch. da la regiun da Com e dal Vnuost en l'Engiadina ed en la Val Müstair, nua ch'ella cumpara tr.a. sco Stoupa, Stop(p)a, Stup(p)a, Stupanus e Stoppany. Ils emprims exponents da la fam. èn attestads il 1322 in colis dictus Stupan a Müstair, il 1349 in Rudolfy dicti Stuppa. Truog registrescha betg main che 29 plevons ref. grischuns da quel num. Ils represchentants ils pli enconuschents da la fam. èn il publicist Bart, il professer da medischina Johann Nicolaus, il feldmarschal Johann Peter ed il scriptur Victor. Intgins members da la fam. han occupà auts uffizis politics, p.ex. Mani S. da Sta. Maria en Val Müstair (mastral 1739) ed Andrea J. S. da Sent (vicari 1753-55 e guvernatur 1765-75). Numerus èn stads pastiziers a l'ester (tr.a. Vaniescha) e Chasper Stupan è stà directur da RTR dal 1985-2001. Litteratura: Truog, Evangelische Pfarrer, 1935; D. Kaiser, La famiglia Stoppani, en: FL, 24-2-1961; 3, 7 e 24-3-1961; RN 3, 816 s.; C. Stuppan, Alte Geschlechter des bündnerischen Münstertales, elav. da K. Hänecke-Meier, en: JbSGF, 1989, 144 s. Adolf Collenberg  Stuppan, Bart Stuppan [Stupan, Stuppa, Stoppa], Hans Baptista  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: