Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents TujetschTumegl lemma sequent

Tumb [Thumb]
Schlatta da ministerials svabaisa oriunda da la regiun da Ravensburg, attestada per l'emprima giada il 1188. Ella sa numnava pli tard T. von Neuburg, tenor lur residenza, la Neuburg sper Götzis en il Vorarlberg. Ina lingia pli giuvna cun ils frars Siegfried e Johann possedeva il 1345 il chastè da Neuburg, erigì in pau pli tard en vischinanza da Vaz Sut. Dal 1342-48 han possess quels dus, ens. cun Hug, il chastè dad Unter-Tagstein sper Tusaun ch'els avevan obtegnì en feud dals de Vaz. Dus frars, Hans e Friedrich, èn vegnids sepulids en la catedrala da Cuira. Suenter ina interrupziun èn attestads il 1385 puspè members da la fam. T. sin la Neuburg a Vaz Sut. Il 1396 era Frik en dispita cun Ulrich Brun de Razén. La Neuburg a Vaz Sut è turnada pauc pli tard a la lingia pli veglia dals T., quella pli giuvna è sparida enturn il 1400 da las funtaunas. La lingia pli veglia ha possess a partir dal 1552 il signuradi da Mammern ed ha provedì fin il 1918 l'uffizi dal marschal ereditar e maiordom superiur a la curt da Württemberg. 


Litteratura:
Clavadetscher/Meyer, Burgenbuch, 313-15.

Paul Eugen Grimm

lemma precedents TujetschTumegl lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: