e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Universitads Uors  Unterwegen, ab [von] Schlatta nobla libra dal Scanvetg, attestada per l'emprima giada il 1285, pli tard sco ministerials da l'uvestgieu da Cuira e sco servitid dal cont de Werdenberg-Sargans. Ils U. avevan possess en il Scanvetg, en la Val dal Rain Grischuna, en il Surmeir ed a Triesen/FL. Els residiavan originarmain en il chastè cun il medem num (rum. Subvia) a Pagig. En il 14. tsch. han els acquistà la tur a Calfraisa, numnada pli tard Bernegg. Members dals U. avdavan era en ils chastels da Ruchenberg, Favugn, Termin, Klingenhorn ed Alt-Aspermont. Rudolf III è stà comm. da la dretgira da cumpromiss en l'accumodament da la Faida da Razén (1424), pli tard è el dentant vegnì sez en conflict cun la citad da Cuira e cun l'uv. Ortlieb von Brandis. La fam. possedeva in'atgna fossa en la catedrala da Cuira. Vers la fin dal 15. tsch. èn ils U. sparids da las funtaunas. Lur bains ed il titel da noblezza èn ids a la fam. Scarpatetti dal Surmeir.   Litteratura: Clavadetscher/Meyer, Burgenbuch, 361. Paul Eugen Grimm  Universitads Uors  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: