e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Visavraun Viscardi, Giovanni Antonio [Wiscard von Trontano]  Viscardi Veglia schlatta da S. Vittore ch'ha schendrà tr. il 16. ed il 18. tsch. numerus impressaris, stuccaturs ed architects ch'han construì baselgias, claustras, palazs e chastels en la Germania ed en l'Austria. Veit Viskart cumpara enturn la mesadad dal 16. tsch. sco miradur e manader da l'ufficina da la citad da Magonza. Ses figl era l'enconuschent poet Johann Fischart. Bartolomeo sen. è stà activ en la Stiria, Bartolomeo jun. e Giovanni Antonio en la Germania dal Sid ed en la Baviera. Da Vigezzo sper Domodossola deriva Giovanni Antonio, refurmatur en la Mesolcina. La lingia dals V. da la Val d'Ossola era independenta da la schlatta dal medem num residenta anc oz a S. Vittore.   Litteratura: C. Camenisch, Graubünden in der deutschen Dichtung, 1923, 12; A.M. Zendralli, I V. di S. Vittore, en: QGI, 23/1953, 26-37, 96-102. Martin Bundi  Visavraun Viscardi, Giovanni Antonio [Wiscard von Trontano]  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: