Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Wietzel, GubertWietzel [Wiezel], Lurainz lemma sequent

Wietzel [Wiezel]
Il num da fam. W. (scrit tr.a. era Wetzel) cumpara en il Grischun sporadicamain dal 12. fin viaden il 14. tsch. ed è doc. a partir dal 15. tsch. en moda pli frequenta en pliras valladas. Ils W. da Zuoz e lur descendents domiciliads a Curvalda èn sa distinguids il pli fitg en l'istorgia dal pajais. A Scuol cumpara il 1394, cun Johannis, a Zuoz il 1543, cun Jöri, per l'emprima giada in W. Amplificaziuns da vopnas imperialas (1587 e 1641) han promovì l'ascensiun sociala e politica da la famiglia. Lurainz è daventà il 1587, sco emprim da sia fam., landamma da l'Engiadin'Ota. En il 17. tsch. han occupà set ulteriurs W. quest uffizi. In da quels è stà Giörin, ina da las emprimas persunalitads en il temp dals Scumbigls grischuns en l'Engiadin'Ota. Ses figls èn stads Fadrich, autur da tragicomedias, e Lurainz, giurist e translatur da litteratura religiusa en ladin. Sco progenitur da la lingia da Curvalda vala Johann Friedrich (1704-76) ch'è stà podestat a Tegl (1731-33), bundslandamma (1737-38) e vicari a Sunder (1741-43). Ses figl Gubert ha occupà l'uffizi dal guvernatur en Vuclina en ils onns 1757-59.


Litteratura:
RN 3, 238 s.

Silvio Färber

lemma precedents Wietzel, GubertWietzel [Wiezel], Lurainz lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :