e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Zuan, Rodolfo Zuccalli, Enrico  Zuccalli Famiglia da Roveredo, doc. l'entsch. dal 16. tschientaner. Ils Z. èn morts ora en la vischnanca d'origin en l'emprima mesadad dal 18. tsch., in dals roms è dentant sa stabilì en la Germania. La schlatta aveva schendrà architects capabels e stuccaturs, activs o.t. en la Baviera, auters han fatg ina carriera ecclesiastica, tr. quels Giovanni, chaplon a Roveredo il 1696 e 1709 e canoni extraresidenzial da la catedrala da Cuira il 1711. Tr. ils maisters Z. da renum figureschan ils architects Domenico Cristoforo († 1707), Gaspare (1629-78), Gaspare († 1717), Enrico e Giovanni Cristoforo († 1750) sco era ils stuccaturs Giovanni († 1678), Giulio (attestà dal 1685-1707) e Giovanni Pietro (menz. il 1688-92), tuts activs en Baviera. A Roveredo exista anc oz ina Casa Zuccalli cun sgrafits d'ina qualitad remartgabla sin la fatschada (16. tsch.). Litteratura: M. Pfister, Baumeister aus Graubünden - Wegbereiter des Barock, 1993; C. Santi, Famiglie originarie del Moesano o ivi immigrate, 2001, 172-74. Cesare Santi  Zuan, Rodolfo Zuccalli, Enrico  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: