e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Rieg [Rigg], Johann Jakob Riesenfels, Heinrich  Riein Vischnanca polit., cirq. Glion, distr. Surselva (fin il 2001 Glogn), situada sin ina terrassa a l'ost dal Glogn a l'entrada en la Val Lumnezia. La vischnanca cumpiglia il vitg aglomerà da R. e l'aclaun Signina, separà da R. tras la Val da R. (incorporà il 1904-05). 765 Renino (copia), 960 Raine. 1850 218 abit.; 1900 169; 1950 126; 2000 71. Sper fossas betg datablas dal temp preistoric han ins scuvert sin l'Alp Plaun da morts in crap-scalutta cun l'impronta d'in pe. L'istorgia da R. è pli u main identica cun quella da la Foppa. La baselgia roiala (menz. ca. 840), munida cun dretgs da dieschma, è passada l'onn 960 a l'uvestgieu da Cuira. Il patrun s. Nazari è doc. per l'emprima giada il 1487 en occasiun da la separaziun ecclesiastica da Sagogn. Il 1526 ha R. adoptà la cretta refurmada. La ruina dal chastè da Cresta ha servì eventualmain da residenza als signurs de R. (Regins), menz. il 1325 ed il 1368. En il 15. tsch. è la culegna rum. da Signina vegnida colonisada da Gualsers ch'èn alura vegnids romanisads. Il 1879 ed il 1880 han destruì incendis quasi l'entir vitg da R. Meglieraziun gen. 1967-84, construcziun d'ina teleferica a Signina. La vischnanca viva anc a l'entsch. dal 21. tsch. per gronda part da l'allevament da muvel, da la cultivaziun da granezza e da tartuffels (mo per pavel ed agen provediment) e da l'economia d'alp (2005: 83% occupads en il sectur primar). Part da la populaziun da lingua rum: 2000 63,4%/76,1% (ML/Lindic). Litteratura: Gem. GR, nr 120, 1983; M. Bundi, Independenza e reformaziun a Pitasch, R. e Duvin 1487-1526, en: Cal. p. mintga gi, 1989, 83-93; LQ, 7-1-2002; Gem. GR, 2003, 252 s. Martin Bundi  Rieg [Rigg], Johann Jakob Riesenfels, Heinrich  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: