Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Romegialli, GiuseppeRoseli, Johannes lemma sequent

Rona
Anteriura vischnanca polit., cirq. Surses, distr. Alvra, fusiunada il 1998 cun Tinizong a la vischnanca polit. da Tinizong-R. La vischnanca da R. a la via dal Güglia consista da Ruegnas, situā sin ina terrassa, e da Rieven, situā a l'ur d'ina planira alluviala da la Gelgia. Rieven sa chattava antruras, sco l'aclaun da Livizung sutterrā d'ina bova, a sanestra da la Gelgia ed č vegnė translocā en consequenza da las auazuns permanentas. 1330 Rouenam, 1377 Rouvena, 1412 Rofna, tud. Roffna. 1850 131 abit.; 1900 88; 1950 121; 1980 29; 1990 58. R. era in lieu da passadi a la ruta rom. e medievala dal Set per part anc oz visibla. Pir en il 12.-13. tsch. han ins urbarisā e colonisā la regiun, prob. en connex cun l'explotaziun da metals sin l'Alp Plaz tras ils signurs de Marmels e cun la construcziun da la via charrabla dal 1387. Ecclesiasticamain ha appartegnė R. a Tinizong fin il 1907 e furma dapi alura in'atgna pravenda. In'emprima baselgia č menz. il 1444. Durant la Refurmaziun č R. restada fidaivla a la cardientscha catolica. La baselgia odierna, deditgada als ss. Antoni e Leonard, č vegnida erigida dals chaputschins il 1663 (menziun spez. merita l'orgla dal 1675). Il project d'in lai da serra en la planira (1912) n'č betg vegnė realisā. R. furmava a ses temp ina vischnanca dal cumin da Surses. Il 1851 č daventā Rieven sut il num R. in'atgna vischnanca politica; Ruegnas appartegneva a Tinizong ch'ha refusā la fusiun cun R. il 1910, cumbain ch'i deva a Ruegnas ina baselgia ed ina scola cuminaivla. R. viva oz o.t. da l'allevament da muvel, da l'artisanat e dal turissem.


Litteratura:
Kdm GR 3, 261-64; Bundi, Besiedlung; Gem. GR, 2003, 376 s.

Gion Peder Thöni

lemma precedents Romegialli, GiuseppeRoseli, Johannes lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: