Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Rüedi, MartinRufer, Alfred lemma sequent

Rueun
Vischnanca polit., cirq. Rueun, distr. Surselva (avant il 2001 Glogn), situada en il fund da la Val dal Rain Anteriur. 765 Ruane (copia), 1289 Rvgans, tud. Ruis (fin il 1943). 1850 365 abit.; 1900 371; 1910 495; 1950 501; 2000 460. Scuverta da trais maneras da bronz sin il territori da la vischnanca. En il temp medieval tempriv possedeva l'abazia da Mustér funs a R. Da quel temp existiva a R. era ina gronda curt roiala carolingica. En il temp autmedieval ha appartegnì R. al domini da Munt S. Gieri, dal 1473 fin il 1734 al cumin da Vuorz, alura è ella daventada il center dal cumin (cat.) cun il medem num. La baselgia da S. Andriu, menz. il 831 sco baselgia roiala privata, è passada pli tard a la claustra da Faveras, il 1472 a l'abazia da Mustér. Dapi il 1476 è R. ina plaiv independenta, pastorada da chaputschins tr. il 1628 ed il 1644. A partir dal temp medieval tardiv han ins explotà metal en la Val Schmuer, sin l'Alp Renasca ed a Sul Rhein. Il 1588 èn attestadas tschintg chavas, explotadas intensivamain a l'entsch. dal 17. e durant il 19. tsch. (sistidas suenter l'Emprima Guerra mundiala). Cun Siat exista ina cuminanza d'alp. Sper in pitschen dumber da bains purils posseda R. numerusas interpresas artisanalas; era il sectur terziar è sviluppà bain (turissem moderà en l'intschess dals centers da sport d'enviern da la Surselva). Meglieraziun gen. dapi il 1998. Consorzi da scola cun Pigniu e Siat (2005) e cun Vuorz ed Andiast (dapi il 2009). Il nov. 2002 han malauras chaschunà gronds donns d'aua a R. Part da la populaziun da lingua rum. 2000: 72%/82% (ML/Lindic).
 


Litteratura:
Kdm GR 4, 301-12; P. Dermont, Die Bergwerke der Gemeinde R.-Ruis bei Ilanz, en: Bergknappe, 16/1992, nr 2, 2-7; nr 3, 2-6; LQ, 18 e 19-11-2002; Cudischet da R., 2006.

Adolf Collenberg

lemma precedents Rüedi, MartinRufer, Alfred lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: