Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Sagogn, vonSal lemma sequent

Saissafratga
Part da la vischnanca da Castrisch, anteriur lieu da dretgira dals Libers da sur il guaud, menz. sco Sessafret en l'urbari habsburgais (1303-07). S. era prob. gia da quel temp il lieu da dretgira da la centena roiala (distr. administrativ) da Tuverasca. Il num S. deriva dal lat. saxa fracta (rum. crappa rutta) ed è vegnì substituì en il 16. tsch. tras Sassfau. S. sa chattava a la veglia punt che manava al nord da Castrisch sur il Rain (destruida da l'aua gronda il 1520 ed il 1693). Il glindesdi da Tschuncaisma salvavan qua ils Libers lur cumin (l'uschen. glindesdi superbi), e da s. Mitgel (29 da sett.) resp. da s. Hilari (13 da schan.) tegnevan els per regla dretgira. L'anteriur guaud da fau a S. (oz sparì), menz. en l'Urbari habsburgais (1303-07) sco possess roial, serviva da revier da chatscha a la signuria roiala. L'ipotesa, tenor la quala S. sa chattava sper Marcau en vischinanza da Lags è obsoleta.


Litteratura:
L. Joos, Zwei kleine Beiträge zur Geschichte der Freien von Laax, en: BM, 1930, 257-76.

Adolf Collenberg

lemma precedents Sagogn, vonSal lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: