Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Scaletta, Pass dalScandolera, Johann lemma sequent

Scalina
Val e chavorgia tr. Ursera e Caschinutta che separa il chantun Uri da la Val Ursera. 1420 Schellenden, tud. Schöllenen. L'emprima punt sur la Reuss, la Stiebende Brugge (1306), è vegnida construida tr. il 1150 ed il 1230 da Gualsers u da Tessinais; dapi il 1481 vegn ella numnada Punt dil Giavel (tud. Teufelsbrücke u Höllenbrücke). La Danzenbrücke, attestada il 1492, e la Twerrenbrücke, construida en il temp medieval tardiv (remplazzada il 1707/08 tras l'Urnerloch) colliavan la Punt dil Giavel cun Ursera. L'avertura da quest tschancun da via aveva inizià l'annexiun politica d'Ursera, in domini da la claustra da Mustér, al chantun Uri ed accelerà la germanisaziun da questa regiun anc rum. en il temp medieval tardiv. Il 1912-17 è vegnida construida la viafier tras la S. ch'ha fusiunà il 1961 cun la Viafier Furca-Alpsu (dapi il 2003 Viafier dal Matterhorn e dal Gottard). En ses "Cumin d'Ursera" ha tschentà Giacun Hasper Muoth in monument litterar a la Scalina. 


Litteratura:
F. Kreuzer, Geschichte des Landes um die Furka, 1982; I. Müller, Geschichte von Ursern, 1984; Muoth, Ovras 3, 125-62.

Adolf Collenberg

lemma precedents Scaletta, Pass dalScandolera, Johann lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: