Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Schgier [Sgier], MatthiasSchiess, Traugott lemma sequent

Schiedberg
Cumplex fortifitgà, situà al sidost dal Vitg Dado da la vischnanca da Sagogn sin ina collina da glera sur il Rain Anteriur. En il center da la ruina dal chastè sa chatta ina tur, lung il mir da tschinta meridiunal s'alingeschan edifizis d'abitar represchentativs. Funtaunas archeol. (exchavaziun d'urgenza 1964, ulteriuras perscrutaziuns 1968) cumprovan ina colonisaziun durant il temp preistoric, rom. e medieval tempriv. A basa dals chats scuverts en occasiun da las exchavaziuns pon ins concluder ch'il chastè da S. è identic cun il castrum da Sagogn, menz. en il Testament da Tello (765); ils Zaccons/Victorids possedevan en quel ina chasa da crap da tempra signurila. Il chastè da S. è vegnì construì enturn l'onn 1000 ed amplifitgà la davosa giada prob. enturn il 1250. El era la sedia dals signurs de Sagogn, libers da noblezza, attestads il 1137/39. Il 1320 è S. passà tras ierta als conts de Werdenberg-Heiligenberg. Enturn il 1400 è il chastè daventà victima d'in incendi e n'è betg pli vegnì reconstruì. Causa sia gronda impurtanza istorica è el vegnì mess sut protecziun.


Litteratura:
Clavadetscher/Meyer, Burgenbuch, 90-92; M. Bundi e.a., S., Bregl da Heida und Schloss Aspermont in Sagogn, 2008.

Maria-Letizia Boscardin

lemma precedents Schgier [Sgier], MatthiasSchiess, Traugott lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: