e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Schlandersberg, von Schlappin  Schlans Vischnanca polit., cirq. Mustér, distr. Surselva (avant il 2001 Rain Anteriur), situada sin la spunda sanestra aut sur il Rain Anteriur. 765 Selaunum (copia). 1656 180 abit.; 1836 112; 1850 169; 1900 174; 1950 192; 2000 92. L'onn 765 ha regalà l'uv. Tello a la claustra da Mustér ina migiuria e colons a S. che n'ha dentant betg fatg part da la Cadì en il temp medieval, mabain dal domini dals signurs locals de Slauns (attestads il 1220). La tur da defensiun a S. ed il chastè da Salons sur S. èn vegnids erigids enturn il 1200. Il domini è alura passà als Grünenfels, silsuenter als Montalts ed il 1378, tras cumpra, ad Ulrich Brun de Razén per vegnir integrà finalmain al signuradi da Munt S. Gieri. Il 1459 è el passà als conts de Zollern ed il 1472, tras cumpra, a l'abazia da Mustér ch'ha possedì la giurisdicziun fin il 1798 resp. 1803. Il 1734 è la vischnanca da S. vegnida attribuida a la nova dretgira da Rueun. Dapi il 1851 fa ella part, sco settavla vischnanca, dal cirquit da Mustér. Ecclesiasticamain ha S. appartegnì oriundamain a Breil. L'onn 998 è attestada la baselgia da S. Gieri, incoporada il 1185 a l'abazia da Mustér. Il 1518 è ella daventada ina curazia, il 1643 ina baselgia parochiala. La vischnanca da S. ha stuì far grondas investiziuns per rempars cunter lavinas e bovas, o.t. suenter la catastrofa dal nov. 2002. Il 2010 possedeva S. anc quatter manaschis purils. Part da la pop. da lingua rum.: 2000 81,5%/92,4% (ML/Lindic). Litteratura: G.A. Pfister, Ord la historia e cultura de S., en: Annalas, 45/1931, 45-86; Kdm GR 4, 382-90; Müller, Abtei Disentis; Clavadetscher/Meyer, Burgenbuch, 346-48; D. Giovanoli, Die Maiensässe von Pradas, en: Bündner Bauer, 11/1991, 2-30. Adolf Collenberg  Schlandersberg, von Schlappin  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: