e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Scolina Sculm  Scuders Anteriura vischnanca polit., dapi il 1878 fracz. da la vischnanca polit. d'Aschera, situada sin la spunda dretga sur la chavorgia dal Schraubach a la via che maina tras il Schweizertor en il Montafun. A S. appartegna era l'aclaun da Salfsch ch'era abità durant l'entir onn fin il 1960. 1256 Schuder, tud. Schuders (uffiz.). 1850 114 abitants. En il 16. tsch. (ma prob. gia a partir dal 12. tsch.) era suttamess S. al domini feudal dal chapitel catedral da Cuira. Il 1677 ha la vischnanca cumprà ora ils davos bains e dretgs episcopals. Fin il 1851 ha S. furmà in vischinadi dal cumin d'Aschera e fin il 1878 è stada la vischnanca pli u main autonoma. Il 1593 ha S. adoptà la cretta refurmada. Ecclesiasticamain era la vischnanca dal 1573-93 ina filiala da la plaiv d'Aschera, alura è ella vegnida provedida davent da Sievgia fin il 1595. Dapi alura posseda S. sco plaiv autonoma in agen reverenda (p.p. ens. cun pravendas vischinas). En il 16. tsch. exista ad S. in'industria da minieras. La chaplutta dals miniers, consecrada a s. Onna, è menz. per l'emprima giada il 1508 (renovada 1929 e 1983). Dapi il 1867 è S. periclità da sbuvadas da terren e da bovas, da maniera ch'ins ha stuì investir blers daners en rempars. La via charrabla da S. ad Aschera, construida il 1933, maina sur la punt da Salgina (1930). S. ha sviluppà in turissem da stad moderà.  Litteratura: M. Thöny, Schiers, 1934 (1995²); Kdm GR 2, 83-86; E. Kobler, La commune de Schiers, 1970; W. Gallusser, H. Kessler, Sommergäste in Schuders, en: Beiträge zur Geographie Graubündens, 1991. Otto Clavuot  Scolina Sculm  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: