e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Silius Nerva, Publius Simeon, Benedikt [Beno]  Silvaplauna Vischnanca polit., cirq. Engiadin'Ota, distr. Malögia, situada tr. il Lai da S. ed il Lai da Champfèr sin il delta da l'Ova da Vallun che nascha al Pass dal Güglia, tud. Silvaplana (uffiz.). A la vischnanca (4'477 ha) appartegnan ils aclauns da Surlej ed Albana sco era ina part da la vischnanca da Champfèr al vest da l'Ova da Suvretta. 1804 348 abit.; 1850 205; 1900 319; 1950 333; 1970 714; 2000 913. Fragments da colonnas rom. sin il Pass dal Güglia. Il 1356 è menz. per l'emprima giada ina baselgia, reconstruida il 1491 en il stil gotic tardiv. Refurmaziun 1556.  La baselgia cat., deditgada a s. Maria, è vegnida construida il 1962. Dapi il temp rom. è S. ina impurtanta vischnanca da pass. Schlargiament da la via dal Güglia, svilup dal turissem en l'Engiadina e construcziun d'ina ovra electrica en il 19. tsch. Il dumber da manaschis purils è sa diminuì a S. da 24 il 1806 a trais il 2000. Il 1960 ha inizià in boom da construcziun. Ultra da numerus hotels (2004 otg hotels, quatter hotels d'appartaments) ha la vischnanca obtegnì in parcadi sutterran per 300 vehichels, in sviament parzial ed ina serenera sutterrana. S. è sa sviluppà ad in center apprezià da navigaturs a vela, deltists e surfists; la vischnanca offra ultra da quai era arranschaments en connex cun il Cup mundial da surf (lais d'Engiadin'Ota). Il 2000 lavuravan 75% da las persunas activas a S. en il 3. sectur. Part da la populaziun da lingua rum.: 1880 73,3%; 1941 54,9% (LM); 2000 10,6%/34,7% (ML/Lindic). Litteratura: Kdm GR 3, 413-18; BZ, 27-3-1982; 8-3-1986; SO, 17-8-2001; A. Reich, Silvaplana, 2002. Ottavio Clavuot  Silius Nerva, Publius Simeon, Benedikt [Beno]  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: