Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Sinoda evangelic-reticaSis Dretgiras lemma sequent

Sins
La ruina dal chastè dad Alt-S. al vest da Pasqual consista d'in cumplex dubel cun in chastè avanzà al sidvest ed in chastè principal al nordost, quest ultim cun ina tur d'abitar da quatter plauns cun in'entrada auta ad artg radund al terz plaun. La tur è integrada en il mir da tschinta che posseda ina structura marcanta (Opus spicatum). L'implant erigì enturn il 1200 era prob. ina fundaziun dals baruns de Vaz ch'han utilisà el sco center administrativ dal signuradi en la Tumleastga. Suenter l'extincziun dals de Vaz è passà Alt-S. als conts de Werdenberg-Sargans.
Da la ruina dal chastè da Neu-S. al sidost da Pasqual sper la curt da Canova èn mantegnids relicts d'ina tur d'abitar radunda da quatter plauns cun curnisch dentada. A l'intern existan fastizs da l'equipament d'abitar, tr.a. ina gronda chappa da chamin, fimagls, in auariel, ina latrina cun lavandin, ina fanestra cun nischa da seser e parts d'ina pigna da laina. Il mir da tschinta circumdescha ina pitschna curt. L'implant è vegnì construì dals baruns de Vaz prob. en l'emprima mesadad dal 13. tsch. El è passà sco ierta dals de Vaz als conts de Werdenberg-Sargans. Sco il chastè dad Alt-S. è era quel da Neu-S. vegnì destruì dals abitants da la val en la Faida da Schons (1451) e n'è betg pli vegnì reconstruì.

 


Litteratura:
Clavadetscher/Meyer, Burgenbuch, 119-23.

Maria-Letizia Boscardin

lemma precedents Sinoda evangelic-reticaSis Dretgiras lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :