Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents SolasSoldani, Pietro Antonio lemma sequent

Solavers
Cumplex fortifitgà al nordvest sur la vischnanca da Crusch en Partenz. S. era prob. in chastè cun baselgia dal temp medieval tempriv. Igl existan restanzas imposantas d'in lung mir da defensiun da pliras fasas. Al punct il pli aut dal terren stattan las ruinas da la baselgia da Nossadunna cun la nav gronda (13. tsch.) ed il chor poligonal (15. tsch.). En l'areal pli bass sa chattavan ils edifizis d'abitar cun paucs fastizs d'ina tur quadra imposanta e da fragments da la miraglia d'in tract d'abitar cun fanestras ad artgs gotics. Il rest da la surfabricaziun extendida na sa lascha betg cumprovar senza exchavaziuns. En il 13. tsch. era il chastè-fortezza en possess dals signurs d'Aspermont. A chaschun d'ina partiziun dals bains (1344) è passada lur ierta dal Partenz als conts da Toggenburg. Suenter la mort da Friedrich VII èn ils edifizis da defensiun e d'abitar vegnids bandunads ed èn ids en muschna. La baselgia percunter è restada anc pli ditg en funcziun, ella è dentant prob. vegnida bandunada suenter la refurmaziun dal Partenz.


Litteratura:
Clavadetscher/Meyer, Burgenbuch, 338-40.

Maria-Letizia Boscardin

lemma precedents SolasSoldani, Pietro Antonio lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: