e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Flisch, Peter Florentini, Nikolaus Franz  Flond Anteriura vischn. polit., cirq. Glion, distr. Surselva (avant il 2001 Glogn), situada al sid dal Rain Anteriur sin la terrassa da Sursaissa. Fusiunada il 1-1-2009 cun Surcuolm a la vischn. polit. da Mundaun. 1519 Flant, Flond. 1850 196 abit.; 1900 193; 1950 162; 2000 179. Sper Chischlun, al vest da F., existan prob. restanzas d'ina fortezza (preistorica?). En il temp medieval e fin il 1519 era F. in vischinadi da Glion, alura ina vischnanca politica autonoma tras decisiun giudiziala. Suenter la repartiziun da guauds e pastgiras, č F. vegnė liberā da l'obligaziun da pajar taglias a Glion. Il 1526 han F. e Glion adoptā la cretta refurmada. Construcziun d'ina atgna baselgia 1713, autonomia ecclesiastica 1731. Ils chischners en la vopna da la vischnanca da F. renvieschan a l'agricultura anc fermamain pratitgada enturn il 1950. En il temp modern han ins avert sis chaltgeras en il territori com. da F.; la davosa, installada a la via veglia tr. F. e Glion, č stada en funcziun fin il 1906 (restaurada il 1990). Grazia a la meglieraziun generala, realisada il 1964-92 (ens. cun Surcuolm), ed a l'acquist da l'Alp Stavonas (vischn. da Sursaissa) il 1983, gioga l'allevament da muvel actualmain ina rolla relevanta. Parallel a quel sectur economic č sa sviluppā era il mastergn (p.ex. la construcziun en lain) e dapi il 1965 in turissem moderā. Consorzi da scola cun Surcuolm e Luven dapi il 2005. Il 2005 lavuravan 38% da las persunas cun activitad da gudogn a F. en l'emprim, 43% en il segund sectur. Part da la populaziun da lingua rum.: 1880 96%; 1941 91%; 1980 79% (LM); 2000 50,1%/72,1% (ML/Lindic). Litteratura: E. Camenisch, Wie S. Martin ob Ilanz eine einsame Kirche wurde, en: BM, 1927, 382 s.; Kdm GR 4, 42 s.; Gem. GR, nr 52, 1983; Gem. GR, 2003, 118 s.; LQ, 4-6-2008. Martin Bundi  Flisch, Peter Florentini, Nikolaus Franz  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: