Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Sottovia, GiovanniSozzi, Columban lemma sequent

Sour
Vischnanca polit., cirq. Surses, distr. Alvra, situada en la part sura dal Surses (Surg˘t), cun ils aclauns da Furnatsch e Tgacrest e quatter mises resp. culegnas d'alp a Flecs. 1850 163 abit.; 1900 178; 1950 227 (inclus ils lavurers engaschads en la construcziun dal mir da serra da Murmarera per las OE Turitg); 2000 93. A l'entsch. dal 13. tsch. han ils signurs de Marmels laschÓ construir il chastŔ da Spliatsch (oz en ruina). Fin il 1850 ha S. appartegný a la dretgira auta dal Surses entaifer la LCD. Il 1663 han ils chaputschins erigý sin ils fundaments da la baselgia medievala da S. Baltramieu la baselgia barocca da S. Catregna. Oz furma S., ens. cun Mulegns e Murmarera, ina plaiv communabla. Avant il 1950 era S. in vitg puril. Dal temp medieval fin suenter il 1900 (avertura da la Viafier retica en l'Engiadina il 1903) ha il traffic da transit sur ils pass garantý in gudogn supplementar als purs (vituraria, transports da martganzia). Da l'economia forestala pudeva S. strusch profitar, essend che la vischnanca sa chatta al cunfin dal guaud. Oz offra il turissem, naschý en las regiuns da skis da Suagnign e Beiva, novas pussaivladads da gudogn. Dapi il 1845 ha S. ina scola e fa part dal consorzi da scola dal cirq. da Surses. L'administraziun communabla da S., Mulegns e Murmarera sa chatta actualmain en la chasa com. da S. Ils Gualsers da lingua tud., immigrads suenter il 1200 a Flecs, Ŕn vegnids rumantschads. S. ha decidý la meglieraziun gen. il 2002.


Litteratura:
A. Grisch, En curt viada tras Surses e la sia istoria, 1915; Gem. GR, nr. 171, 1983; LQ, 29-1-2009.

Gion Peder Th÷ni

lemma precedents Sottovia, GiovanniSozzi, Columban lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :