e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Spleia, Pass dal Sport  Spliatsch Ruina d'ina tur d'abitar medievala situada sin in pitschen spelm en la vischnanca polit. da Sour. La tur aveva trais plauns cun in'entrada auta al segund plaun. Al plaunterren sa chattava in chamin cun consolas da lain per la chappa ed in fimagl inclinà. Al segund plaun existivan locals d'abitar, fanestras cun bancs ed in balcun tort cun latrina, plinavant ina pigna da maiolica cun fimagl. Al sid da la tur existan relicts d'in mir da tschinta che circumdava ina curt da provediment, construida da mirs sitgs e da lain. La tur, erigida dals de Marmels, datescha prob. da l'entsch. dal 13. tschientaner. Il 1486 era la tur en possess dals Beccarias. A la fin dal 15. tsch. è la curt vegnida cedida sco feud ereditar cun l'obligaziun da mantegnair il tetg da la tur. La dumonda, schebain l'implant era da quel temp anc abità, na po betg vegnir respundida senza perscrutaziuns archeologicas. Litteratura: Clavadetscher/Meyer, Burgenbuch, 72 s. Maria-Letizia Boscardin  Spleia, Pass dal Sport  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: