e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Studer, Hans-Luzius Stuppan, Bart  Stugl Fracziun da la vischnanca polit. da Bravuogn, situada sin ina terrassa sin la spunda nord sur Bravuogn, autonoma fin il 1920. Ca. 1150 de Stule, tud. Stuls (uffiz. Stugl/Stuls). 1579 68 abit.; 1808 44; 1850 64; 1900 42; 1910 69. La part dadens da la Val d'Alvra è vegnida colonisada da Rumantschs pir en il temp autmedieval. Enturn il 1270 possedeva il chapitel catedral da Cuira bains a S. La chaplutta da S. Gion vegn menz. per l'emprima giada il 1523. Refurmaziun 1590. Il 1620 è S. sa separà ecclesiasticamain da Bravuogn ed il 1689 era da Latsch. S. ha possess in'atgna dretgira civila fin il 1851. Ils abitants vivevan da l'allevament da muvel e da la cultivaziun dad ers. Il 1903 ha S. obtegnì in'atgna staziun da la Viafier da l'Alvra, colliada il 1904-05 cun la via d'access al vitg. Litteratura: Kdm GR 2, 390-93; G.G. Cloetta, Bergün-Bravuogn, 1954 (1978³). Jürg Simonett  Studer, Hans-Luzius Stuppan, Bart  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: