e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Fomaz Fonio, Anton Christian  Fondei Val laterala dal Scanvetg, vischn. da Pralung. La val ritga da funtaunas, betg pli abitada durant l'entir onn, cumpiglia il lieu principal da Strassberg (1919 m) e div. abitadis sparpagliads. 1311 Vanden. 1623 ca. 230 abitants. Chat d'in piz da lantscha dal temp da fier tardiv. La Val F. furmava oriundamain ina regiun d'alp en la retroterra da Peist. En il 14. tsch. è ella vegnida colonisada da Gualsers. Il 1370 eran sis aclauns cun 24 fam. tributars dal chapitel catedral da Cuira. La Val F. fascheva part dal cumin da Pralung ch'era sa constituì enturn il 1400. En quella val cun ses numerus bains e sias vastas pastgiras alpinas predominescha anc oz l'allevament da muvel. Las runcadas excessivas han expost la Val F. a gronds privels da lavinas. Ina senda maina da F. sur il Pass dal Duranna a Fadrein. En ils onns 1886-87 è vegnida construida la via charrabla da Pralung en il F. La scola da la val è vegnida serrada il 1903.     Litteratura: J. Müller, Ein Beitrag über das Hochtal F., en: JberWV GR, 1978, 16-25; P. Meinherz, Fürs F. sind alle - nur nicht auf dem gleichen Weg, en: TG, 2000, nr 1, 22-25. Jürg Simonett  Fomaz Fonio, Anton Christian  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: