e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Surmiran Sursaissa  Surrein Fracziun da la vischnanca polit. da Sumvitg, cun il vitg da S. e plirs aclauns, tr.a. quels da Val e Portas en la Val Sumvitg al pe da la Greina. Plirs bains èn sparids. 765 trans Vicum (copia), tud. Surrhein (ist.). La funcziun e l'origin da la Tuor S. Placi e da quella da Muotta Surfesti èn nunenconuschents. Il 1702 è S. daventà ina chaplania da Sumvitg, il 1786 è il vitg vegnì incorporà a la plaiv da S. Placi. Il 1614 han ins realisà l'emprima via d'access a Bogn Tenigia. Per il vitg tradiziunalmain puril da S. è era attestada l'elavuraziun da scalegl dapi la fin dal 18. tschientaner. En ils onns 1840 stampava Giusep Maria Camenisch a S. ina gasetta sco era cudeschs rumantschs. Dapi il 1839 posseda S. in'atgna scola primara (oz en barat da classas cun Rabius e Sumvitg). A Runcahez en la Val Sumvitg exista dapi il 1962 in lai da cumpensaziun da las Ovras electricas da la Svizra Nordorientala. Litteratura: P.S. Deplazes, La pleiv de S., 1940; B. Deplazes, Crappa-scalegl e tschenta-pegnas a S., en: Annalas, 90/1977, 77-126 . Adolf Collenberg  Surmiran Sursaissa  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: