Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Radio e televisiunRaetus lemma sequent

Radunanza extraordinaria da las Trais Lias
Ils cumins u la Dieta da las Trais Lias pudevan suspender ils chaus-lia en uffizi, il Congress grond u pitschen e convocar ina radunanza extraordinaria da las Trais Lias. Ils cumins tschernivan ed instruivan a quel scopo novs mess (25 per dretgira, en total 650) ch'eran, sco umens da confidenza (per il solit aderents d'ina partida resp. facziun), pli libers en lur votum. La radunanza extraordinaria elegeva sezza ses pres. ed il biro (cumissiun predeliberanta da 52 mess); sias decisiuns eran però, sco usità, suttamessas al referendum. Talas radunanzas vegnivan convocadas en temps inquiets e furmavan savens il rom d'ina dretgira nauscha (p.ex. il 1603, 1766 e 1794).


Litteratura:
G.H. Muoth, Historia grischuna dil novissim temps, en: Annalas, 1/1886, 150 s.; R.A. Ganzoni, Beiträge zur Kenntnis des bündnerischen Referendums, 1890.

Adolf Collenberg

lemma precedents Radio e televisiunRaetus lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :