e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Roma Romanisaziun  Romania Uniun per lingua e cultura fundada il 1896 ed affiliada a la Lia Rumantscha (LR). Ella era oriundamain in'uniun studentica da la Surselva cat., reorganisada il 1948 e transfurmada suenter il 1967 pli e pli en ina societad populara. Ses territori d'acziun cumpigliava la part cat. da la Surselva e dal Plaun. La Romania è s'engaschada per il mantegniment e la promoziun dal rumantsch en gen. e da l'idiom e da la cultura da ses intschess en spezial. Ella ha represchentà la Surselva en il cussegl, en la suprastanza ed, en proporziun a sia fermezza demografica, en la radunanza da delegadas e delegads da la LR. Ils organs uffizials da la Romania eran «Igl Ischi» (dapi il 1897) e «Nies Tschespet» (dapi il 1921). Secziuns: la Romania da giuventetgna e div. circuls culturals. Ils 18-3-2006 è la Romania vegnida schliada ed ha fusiunà cun la Renania sursilvana ad ina nova uniun regiunala cun il num Surselva Romontscha. Archiv: ASGR, archiv da la R. Litteratura: Nossa via: rapport dalla cumissiun per la revisiun dils statuts dalla secziun studentica dalla R., 1967; Statuts dalla R. 1983, 1984; 100 onns R., 1896-1996, 1996; LQ, 20-3-2006; G. Capaul, En memoria renconuschenta alla R. (1896-2006), en: Cal. Rom., 2007, 374-92. Manfred Gross  Roma Romanisaziun  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: