e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Bart, Guglielm Barwirsch, Josef Franz  Bärtsch, Konrad * 7-12-1890 a Furna, † 17-2-1962 a Furna, ref., da Furna. Figl dad Andreas, pur e landamma, e dad Anna n. Flury, da Gianatsch. ∞ Anna n. Züst, pura a Furna, figlia da Mathäus. Seminari scolastic a Cuira. Scolast e pur a Furna. President com. a partir dal 1913, alura puspè a partir dal 1957. Landamma 1925-31, pres. da la dretgira distr. 1942-47. Comm. dal Cussegl grond 1925-47, cuss. guv. 1948-56 (pres. 1952). Als Democrats è B. aderì pir sco deputà. Dal 1955 fin il 1962 è el stà pres. dal cussegl administrativ da las Ovras electricas Rehanau SA. Sco comm. da la Regenza è el s'engaschà per ils purs da muntogna, per l'amplificaziun da la rait da vias e per la revisiun da la lescha chant. davart il dretg da las auas. Litteratura: P. Metz, Alt Regierungsrat Konrad B., en: BJb, 1963, 149 s. Jürg Simonett  Bart, Guglielm Barwirsch, Josef Franz  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: