Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Societad grischuna per ils chastelsSocietad istorica dal Grischun (SIG) lemma sequent

Societad grischuna per la perscrutaziun da la natira (SGN)
Fundada ils 15-10-1825 a Cuira d'anteriurs comm. da la Societad economica (Societads). Jakob Ulrich Sprecher von Bernegg è stà ses emprim president. L'intent da la SGN è la promoziun da la perscrutaziun e dals perscrutaders da la natira e l'implementaziun da las enconuschientschas davart la natira. La societad ha installà in cabinet da natiralias en la Scola chantunala evang. e cumprà il 1828 ina collecziun da mineralias da Placi a Spescha. Quest cabinet è daventà il fundament dal Museum istoric da la natira (oz: Museum da la natira dal Grischun). La SGN ha gì ina crisa en ils onns 1840  - ch'ins haja fatg memia bler politica - ed ha sistì sias activitads en ils onns 1844/45. Il 1848 han ins reactivà ella e relaschà novs statuts. Comm.: 1827 ca. 100; 1849 42; 1900 177; 2000 318. La SGN ha edì dal 1850-2002 rapports annuals voluminus cun lavurs scientificas ed organisescha era ciclus da referats. Il 1906 ha ella fundà la cumissiun chant. per la protecziun da la natira.


Litteratura:
J.P. Müller, 175 Jahre Naturforschende Gesellschaft Graubünden in Chur, en: Bündner Naturmuseum, 12/2000, 1 s.

Adolf Collenberg

lemma precedents Societad grischuna per ils chastelsSocietad istorica dal Grischun (SIG) lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: