e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Stampa, [a, von] Stamparias  Stamparia Roth Il 1897 ha Alfred Roth, oriund da Berna, cumprà la Buchdruckerei AG a Tusaun, ina stamparia per tipografia, liadira e cartolaria, fundada il 1889, sco era la gasetta edida da quella, la «Bündner Post». Questa stamparia da fam. bilingua (tud. e rum.) sa numnava dal 1900-28 Buchdruckerei Alfred Roth, suenter la mort da quel ils 19-9-1928 fin il 1964 Buchdruckerei Roth & Co. (en possess dals figls Hermann e Werner Roth jun.) e dal 1964-97 Buchdruckerei Werner Roth AG. Alura è ella ida en possess da la Gasser SA. La Stamparia Roth ha edì tr.a. «La Casa Paterna», «La Pùnt», «Il Giuven Jauer», il «Dun da Nadal», la «Pro Bravuogn» e, dal 1924-39, «La Gazetta Ladina». Ella ha edì e stampà la «Bündner Post» e publitgescha dapi il 1983, ens. cun la Gasser SA (oz Südostschweiz Medien), la successura da quella, il «Pöschtli» (organ uffiz. dal Grischun Central). Litteratura: Bornatico, L'arte tipografica, 194, 205; 100 Jahre «Bündner Post/Pöschtli» 1889-1989, 30-11-1989 (nr da giubileum). Adolf Collenberg  Stampa, [a, von] Stamparias  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: