Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Bassus, deBatänia lemma sequent

Bassus, Thomas de
* 10-10-1742 (Thomas Franz Maria) a Poschiavo, † 15-10-1815 a Sandersdorf (Saxonia-Anhalt), cat., da Poschiavo. Figl da Johann Maria, podestat da Poschiavo, e da Maria Catharina n. Stefania. ∞ Domenica Cecilia n. Masella, figlia da Bernardo, podestat e stampadur, da Poschiavo. Studi da giurisprudenza (dr.iur.) ad Ingolstadt, nua ch'el è stà professer e pli tard manader da studi. B. possedeva bains en il Puschlav ed en Vuclina ed ha ertà il possess ed il titel da noblezza (barun) da la lingia bavaraisa. Podestat (mastral) da Poschiavo 1767, 1775, 1779, 1785 e 1795, podestat a Traona 1781-83. Comm. da l'Urden dals Illuminats bavarais e dals Patriots grischuns. Suenter il scumond dals Illuminats il 1784 èn vegnids sequestrads ses bains en Baviera. B. è alura sa domicilià a Minca. Il 1790 ha el vendì il possess en il Puschlav, ed il 1797 èn vegnids confiscads ses bains en Vuclina. En ils onns 1780 ha B. publitgà en sia stamparia a Poschiavo scrittiras illuministicas ed in agen cudesch da scola laicistic.


Ovras:
Le più necessarie cognizioni pei fanciulli, 1780.

Litteratura:
A.M. Zendralli, I de B. di Poschiavo, en: QGI, 6/1936/37, 18-26, 189-202; Bornatico, L'arte tipografica, 57-62.

Jürg Simonett

lemma precedents Bassus, deBatänia lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :