Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Battaglia dal graun [Plan Wahlen]Battisti, Carlo lemma sequent

Battaglia, Johannes Fidelis
* 19-2-1829 a Parsonz, † 10-9-1913 a Zezras, cat., da Parsonz. Figl da Jakob Fidelis, pur, e da Maria Agnes n. Guetg, da Suagnign. Scola claustrala da Nossadunnaun, Collegium Germanicum a Roma. Ordinaziun sacerdotala a Roma 1855. Scolast a S. Gliezi (seminari da mats) a Cuira 1857. Prof. da linguas veglias al Collegi Maria Hilf a Sviz 1859-79 e directur spiritual da l'Institut da las soras da la S. Crusch ad Ingenbohl/SZ a partir dal 1874. Il 1879 è B. daventà canoni resident, uffizial e chancelier episcopal a Cuira. Suenter la mort da l'uv. Franz Constantin Rampa il 1888, è el vegnì elegì uvestg da Cuira e consecrà il 1889 en la catedrala a Cuira. Il 1908 ha el demissiunà per motivs da vegliadetgna ed è sa retratg a Zezras en la chasa da spirituals ch'el aveva sustegnì. Il 1909 è el daventà archuvestg titular da Kyzikos (Grezia, oz Terchia).


Litteratura:
HS I/1, 503 s.; Gatz, Bischöfe 1785/1803, 26 s.

Leo Ettlin

lemma precedents Battaglia dal graun [Plan Wahlen]Battisti, Carlo lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :