e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Veulden Viafier Cuira-Arosa  Viafier Blinzuna-Mesocco Il fan. 1903 è vegnida fundada la Società Ferrovia elettrica Bellinzona-Mesocco (FBM). Il 1905 ha la firma Rieter cumenzà a construir la viafier a binari stretg per 2,425 miu. frs (31,3 km, 26 punts, 1'500 volts current cuntinuà), averta ils 6-5-1907 fin a Lostallo, ils 31-7-1907 fin a Mesocco. La FBM era quella giada la viafier la pli moderna dal punct da vista electrotecnic. La dumonda d'ina prolungaziun da la lingia da viafier fin a Tusaun vuleva il Cussegl fed. deliberar pir suenter la decisiun davart ina Viafier da las Alps Orientalas ch'è dentant restada in giavisch. A partir dal 1912 ha la FBM cumenzà a render, suenter il 1933 èn las entradas dentant sa diminuidas en consequenza da l'avertura da la via chant., concepida era per camiuns. Il 1942 ha la FBM fusiunà cun la Viafier retica. La A13 ha alura mess ina fin a la FBM: Il 1972 è il transport da persunas passà a la PTT, ed il tschancun Blinzuna-Castione/Arbedo è vegnì liquidà. Suenter la greva malaura da l'avust 1978 han ins renunzià era al tschancun Cama-Mesocco. Litteratura: R. Rütimann, Bellinzona-Mesocco-Bahn, 1984. Adolf Collenberg  Veulden Viafier Cuira-Arosa  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: