Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Uniun chantunala da musica dal GrischunUniun cristiana da scola e d'educaziun dal Grischun (UCS) lemma sequent

Uniun chantunala da puras
Il 1931 è vegnì fundà en il Grischun in comité per la meglieraziun da la situaziun da las puras. Quel ha manà ils 20-11-1932 a la fundaziun da l'Uniun chant. da puras, constituida a La Punt/Rehanau sut l'emprim presidi da Berta Walkmeister-Dambach da Landquart. Dapi il 1937 è ella membra da l'Uniun svizra da puras. Sias finamiras èn da meglierar la situaziun finanziala da las puras cun daners recaltgads da la vendita directa da products agrars (martgads sin il Kornplatz a Cuira ed utrò) e da promover la scolaziun organisada da l'Uniun chant. da puras e da sias secziuns localas cun referats, curs da cuschinar e da taisser, orticultura ed auter pli. L'uniun ha promovì il 1934 la fundaziun da la Scola da puras a Glion ed il 1949 quella ad Aschera (Scolas da purs e puras). Il 1978 ha ella stgaffì il servetsch da gidantras da manaschi. Dapi il 1933 cumpara ses fegl da communicaziun bimensil, dal 1967-85 sut il num «Haus und Hof»; dapi il 1986 communitgescha ella en il «Bündner Bauer». Fin il 1960 aveva sia radunanza da delegadas annuala lieu en il Volkshaus a Cuira, dapi alura ambulant. Dumber da secziuns 2008: 40.

Litteratura:
FL, 14-9-1982.

Adolf Collenberg

lemma precedents Uniun chantunala da musica dal GrischunUniun cristiana da scola e d'educaziun dal Grischun (UCS) lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :