e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Uniun da Pius Uniun da tiradurs dal Grischun  Uniun da scripturas e scripturs rumantschs (USR) Fundada ils 25-5-1946 dals Engiadinais sin iniziativa da Tista Murk (emprim pres.) cun la mira d'avischinar tut ils scripturs e tut las scripturas tr. Müstair e Mustér. Il 1947 èn sa participads era ils scripturs da la Sur- e Sutselva e dal Surmeir a l'USR. Il 1951 è daventada l'Uniun rumantscha da Surmeir (URS) ina secziun regiunala da l'Uniun svizra da scripturas e scripturs. Suenter intginas discussiuns è ella vegnida recepida en las structuras organisatoricas da la Lia Rumantscha. Dal 1948-77 ha ella edì l'organ «Novas litteraras» e dapi il 1978 publitgescha ella la «Litteratura». L'USR organisescha sporadicamain dietas da lavur, suenter il 1990 annualmain ils Dis da litteratura a Domat cun referats, prelecziuns, discussiuns e concurrenzas litteraras. Ella dumbra 50-60 commembras e commembers. Il 2004 è l'USR vegnida renumnada en Uniun per la litteratura rumantscha (ULR) ed ha obtegnì novs statuts. Litteratura: 50 onns USR, 1996. Gion Deplazes  Uniun da Pius Uniun da tiradurs dal Grischun  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: