Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Uniun evangelica da scolaUniun grischuna da medis lemma sequent

Uniun forestala grischuna
Fundada ils 16-5-1901 a Cuira sin iniziativa da Florian Enderlin, inspectur forestal chant. ed emprim pres. da l'uniun, cun la mira da defender ils interess professiunals dal persunal forestal e da promover la selvicultura en il Grischun. Ses organ uffizial è il «Bündnerwald», edì dapi il 1947 (cun carnets spez. e supplements tematics) mintga dus mais ens. cun l'Uniun da possessurs da guaud Selva, dapi il 1981 era ens. cun l'Uniun da selviculturs da revier (omaduas fundadas il 1919). Dapi il 1990 è l'Uniun forestala grischuna comm. da l'Arge Alpenländische Forstvereine.
L'Uniun forestala grischuna organisescha tr.a. dapi il 1990 periodicamain curs da perfecziunament en ecologia ed economia forestala. Il 1984 ha ella inizià cun sia «Erklärung zum Waldsterben» ina gronda acziun politica per la protecziun da la natira. Dapi l'onn 2000 fa ella part da Graubünden Holz che reunescha tut las uniuns, interpresas, instituziuns e persunas interessadas al lain grischun. L'avr. 2004 han l'Uniun forestala grischuna e l'Uniun da selviculturs da revier fusiunà e furman dapi alura l'Uniun guaud grischun (UGG; tud. Graubünden Wald; 2010 ca. 620 comm.).
 


Litteratura:
Bündnerwald, 1951, nr 7; 1976, nr 6; 1997, nr 5; 2001, nr 4 (ediz. giubilaras); SO, 24-4-2004.

Adolf Collenberg

lemma precedents Uniun evangelica da scolaUniun grischuna da medis lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: