e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Tatius Alpinus Marcus Tavau  Tavanasa Fracziun da la vischnanca polit. da Breil, ens. cun Danis, Wali e fin il 2003 Cathomen (cedì a Sursaissa). 2008 447 abit. (ens. cun Danis e Wali). Situada a 800 m a la riva dretga dal Rain Anteriur. 765 Abbatissae (copia), 1470 Thafanatzen. Il Ual da S. Pieder a l'ost da T. furmava dapi il 1261 il cunfin oriental da la Cadi. En il 17. tsch. eran domiciliadas a T. famiglias ref. ch'èn ubain convertidas al catolicissem ubain emigradas suenter il 1650. Il 1890 è vegnida construida la via chant. da T. a Breil, ed il 1912 ha il vitg obtegnì ina staziun da la Viafier retica. Il 1946 è T. daventà in center da distribuziun d'electricitad: las centralas da las OE Frisal SA, dirigidas da la OENO (dapi il 2009 Axpo), sa chattan a Mutteins, in'ulteriura centrala ed in lai da serra al vest da T. Il 2001 è vegnida decidida la meglieraziun generala. Litteratura: TG, 1962, nr 5, 352-56; Müller, Abtei Disentis, 35; Gem. GR, nr 17, 1981; Gem. GR, 2003, 42 s. Adolf Collenberg  Tatius Alpinus Marcus Tavau  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: