e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Tersnaus Tessin  Terzen Fracziuns da la vischnanca polit. da Quarten/SG. La Val da la Seez e la regiun dal Lai Rivaun eran suttamessas en il temp medieval tempriv a l'uvestgieu da Cuira ed appartegnevan al vegl territori linguistic rumantsch. Quest territori n'aveva da quel temp nagin num ed era anc pauc urbarisà. Las differentas vischnancas han alura obtegnì nums che correspundevan a lur distanza geografica da Cuira, la chapitala retica: Brumsch (pli baud Primsch, sper Sargans), Gunz (Seguns), T., Quarten e Quinten a la riva sanestra dal Lai Rivaun. En il 10. tsch. cumpigliava il territori numerus contadis (Sargans, Werdenberg, e.a.) ch'èn vegnids incorporads a partir da l'onn 917, ens. cun la Rezia Sura, al ducadi d'Alemannia. L'aristocrazia alemanna ed in'immigraziun massiva da glieud da lingua tud. han accelerà ed intensivà enturn l'onn 1000 l'alemannisaziun ch'è ida a fin al Lai Rivaun gia en il 11./12. tschientaner. Riva è sa mantegnida sco insla rum. fin en il temp medieval tardiv. Toponims e nums da fam. istorics da la regiun dattan anc oz perditga da ses passà rumantsch. Litteratura: H. Stricker, Das St. Galler Oberland als altromanische Sprachlandschaft, en: Neujahrsblatt St. Gallen, 120/1980, 13-21; H. Stricker, Romanische Personen- und Familiennamen im Südteil des Kantons St. Gallen [...], en: Werdenberger Jahrbuch, 5/1992, 36-50. Adolf Collenberg  Tersnaus Tessin  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: