Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents CamischolasCampell lemma sequent

Camonica, Val
Val da la Lumbardia (tal. era Valcamonica), provinza da Brescha, situada tr. il Passo di Tonale ed il Lago d'Iseo, cun il Pass d'Aprica (1200 m) che maina en Vuclina. En vischinanza da Cemmo, fracz. da Capo di Ponte, sa chatta il pli grond center da petroglifas preistoricas da l'Europa. Ils pli vegls chats dateschan da ca. l'onn 3800 a.C. Suenter l'onn 900 a.C. (temp da fier) han vivì en la Val C. ils Camuni, ina da las tredesch stirpas enconuschentas dals Rets. En il 11. tsch. è vegnida attribuida la val a la citad libra da Brescha, cun la quala ella è vegnida suttamessa en il 14. tsch. al domini da Milaun, il 1426 a Vaniescha. Cun l'acquist da la Vuclina tras ils Grischuns (1512) è la Val C. daventada in impurtant territori da commerzi e da transit tr. il Grischun e Vaniescha. Scrittiras refurmatoricas dal Grischun han chattà la via a Brescha ed a Vaniescha tras la Val C. Enturn il 1520 era ina part da la populaziun protestanta. Quests "eretics" èn dentant vegnids persequitads e stgatschads tras l'Inquisiziun romana. En il 16. tsch. ha prosperà la fiera da C., nua ch'ils Grischuns vendevan regularmain lur muvel e nua ch'ils martgadants da muvel da las Trais Lias han giudì dapi il 1587 in'ampla exemziun da dazi.


Litteratura:
Bundi, Beziehungen; K. Hebeisen, Die Kunst, mit den Göttern zu sprechen, en: Der Bund, 4-1-1992 (suppl.).

Martin Bundi

lemma precedents CamischolasCampell lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: