e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Uffizis, Cumpra d' Ulrich, Jakob  Uina, Val d' Val laterala da l'En en la vischnanca da Sent che s'extenda da Sur En (1124 m) al Pass da Schlingia (2311 m) e collia l'Engiadina Bassa cun la Val da Schlingia ed il Vnuost. Colonisada pir en il temp medieval tardiv. Las culegnas dad U. Dadoura (1500 m, a partir dal 1475 ina culegna permanenta) e dad U. Dadaint (1782 m) èn abitadas dapi il 18. tsch. mo durant ils mais da stad. Suenter il 1401 han ils da Sent cedì il dretg da pascular sin l'Alp Sursass mal accessibla als abitants dal Vnuost. La claustra da Mariamunt possedeva il 1475 in aclaun in Avina (dal lat. ovina, rum. alp da nursas). Dapi il 1910 collia ina via entagliada en il grip da la chavorgia dal Quar U. Dadaint cun l'Alp Sursass. Litteratura: V. Stupan, Val d'Uina, en: Annalas, 88/1975, 187-95; Bundi, Besiedlung, 486; C. Rauch, 1910-2010, 100 ons senda dal Quar in Val d'U., 2010. Adolf Collenberg  Uffizis, Cumpra d' Ulrich, Jakob  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: