Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Jagmet, MelchiorJanett, Jakob lemma sequent

Jam, Val
Val laterala dal Paznaun che s'extenda da Cuttüra (1583 m) al Pass Futschöl (2768 m) e da là vinavant tras la Val Tasna ad Ardez. Sur il Pass Futschöl e la Val J. chatschavan ils Engiadinais dapi il 11. tsch. lur muvel sin las alps dal Paznaun (Vallülla e Zeinisjoch). Cun la colonisaziun da Cuttüra tras ils Engiadinais dapi il temp medieval tardiv, surtut a partir da la vischnanca d'Ardez, a la quala Cuttüra appartegneva ecclesiasticamain, han ins intensivà l'explotaziun da la Val J. Era ils Gualsers, domiciliads a Cuttüra dapi il 1320, èn sa participads a la giudida da quella val. Tenor il rodel da Matsch (ca. 1370) pajavan ils Gualsers als da Tarasp in tschains da tschintg glivras en munaida per l'Alp Amyam. Ils Valladers han utilisà la Val J. fin viaden il 19. tsch. per l'alpegiaziun a Vermunt.


Litteratura:
Bundi, Besiedlung, 464, 480, 482.

Martin Bundi

lemma precedents Jagmet, MelchiorJanett, Jakob lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :