Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents MadesimoMadrisa lemma sequent

Madris, Val
Val laterala sin territori da las vischnancas polit. dad Avras (culegna da M.) e Suogl che cumpiglia numerusas alps. 1368 alpis de Madrixio, tal. Valle Madrisa, tud. Madrisertal. 2002 11 abit. a Stettli e Höjahus. Colonisada en il 13. e 14. tsch. a partir da Clavenna e Plür (part dadens) resp. a partir dal Schons (part dadora). Il 1292 èn doc. Gualsers a Juf, danunder ch'els èn spert sa derasads era en la Val M. Il 1372 ed il 1412 han ils da Clavenna e Plür vendì lur alps en la Val M. a purs da Suogl che chargiavan quellas sur il Pass da la Prasignola (2724 m). Fin a la realisaziun da la via charrabla en il Schons e da quella da Cröt a Stettli (1890-95) ha existì in viv barat da martganzia sur ils pass en la Bergiaglia ed a Clavenna. Ils projects per in'ovra d'accumulaziun a pumpas, lantschads da las OE Rain Posteriur SA, ed ils plans per ina plazza da tir per chars armads èn fruntads en ils onns 1980 sin ina ferma opposiziun ed han fatg naufragi. Il 2002 existivan anc dus manaschis purils en la Val M.


Litteratura:
J.R. Stoffel, Das Hochtal Avers, Graubünden, 1938 (20034); H. Weber, Avers, 1985; Val M.: erschiessen, ertränken, erhalten, 1988.

Adolf Collenberg

lemma precedents MadesimoMadrisa lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :