Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents ValragnValzeina lemma sequent

Valragn
Vischnanca polit., cirq. V., distr. Rain Posteriur. Vitg aglomerà al portal nord dal tunnel dal S. Bernardin. 1219 de Reno, tud. Hinterrhein (uffiz.). 1781 171 abit.; 1850 163; 1900 147; 1950 94; 1990 68, 2000 105. Territori utilisà sco regiun d'alp avant l'immigraziun dals Gualsers en il 13. e 14. tschientaner. Fin viaden il 13. tsch. han exercità ils signurs de Sax-Mesauc la suveranitad territoriala. Il 1219 han quels regalà lur atgna baselgia da S. Pieder a la baselgia collegiata a S. Vittore. V. è il pli vegl abitadi da Gualsers doc. en il nord dal S. Bernardin: dal 1274 datescha in contract da protecturat stipulà tr. il barun Albert de Sax-Mesauc ed ils frars gualsers Jakob e Hubert, dal 1286 in contract da feud ereditar negozià tr. il convent da S. Vittore ed ina gruppa da colonists da lingua tud., derivanta per gronda part da la Val Formazza e dal Simplon. Il 1301 è attestà per l'emprima giada il vischinadi da V. Dal 14.-19. tsch. han pratitgà ils da V., ultra da l'agricultura e da l'economia d'alp, transports da sauma sur il S. Bernardin (susta a V. dal 1580). A la veglia via da sauma sa chatta la «Landbrüggä», construida da Peter Zurr il 1692 (renovada gia il 1696). Il 1799 ed il 1800 è la vischnanca da V. vegnida sblundregiada tras truppas franz. ed austriacas. Il 1960-67 è vegnì construì il tunnel dal S. Bernardin. A partir dal 1965 ha mantegnì la Confed. ina plazza da chars armads al vest da V. Il 2008 lavuravan 86% da las persunas cun activitad da gudogn a V. en il sectur primar.


Litteratura:
Kdm GR 5, 251-56; Gem. GR, nr 61, 1985; E. Rizzi, L’archivio Sacco-Trivulzio e la colonizzazione Walser nel Rheinwald e nell'Alta Mesolcina, 1985; Simmen, Wappen, 273-76; S. Conzett, A. Lenz, Bergdorf Hinterrhein: erlebt, erinnert, erzählt, 2005; L. Röösli, Hinterrhein: Umbruch im Bergdorf [DVD], 2005. .

Kurt Wanner

lemma precedents ValragnValzeina lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :