e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Vaz, Walter V de Veit, Basilius  Vazarouls Aclaun istoricamain betg doc., dentant impurtant tenor la ditga, situà a 1130 m en la vischnanca da Brinzauls a la via dal Güglia resp. dal Set. En quest lieu en il center dal Grischun Central duain esser s'unidas il 1471 la LG, la LCD e la LDD tras in engirament cuminaivel. La Lia da V. n'ha ni ina realitad istorica ni ina tala da dretg constituziunal. Dal 1471 datescha dentant l'allianza tr. la LG e la LDD ch'eran da lur vart gia alliadas a la LCD. Questa lia n'è dentant betg vegnida sigillada a V. La fundaziun da la Republica da las Trais Lias è succedida tras la Brev da federaziun dal 1524. In crap commemorativ ed in monument a Cuira celebreschan la Lia da V. legendara. Litteratura: R. Jenny, Der traditionelle Vazeroler Bund von 1471 und das Bündnis zwischen dem Grauen und dem Zehngerichtenbund vom 21. März 1471 im Hinblick auf eine Landesfeier 1971, 1969; R. Hartmann, Vazerol - zwischen Geschichte und Mythos, en: TG, 2007, nr 2, 10-13. Jürg Simonett  Vaz, Walter V de Veit, Basilius  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: