e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Veit, Basilius Velleman, Anton  Vella Vischnanca polit., cirq. Lumnezia, distr. Surselva (avant il 2001 Glogn), situada sin ina terrassa en la part centrala da la Lumnezia, cun il vitg da V. e la baselgia da S. Vintschegn sut il vitg a Pleif (cun la chasa-pravenda e la chasa dal caluster). Ca. 840 ad sanctum Vincentium [...] in valle Leguntia, 1290-98 ad Ville, aput Villam, tud. Villa (uffiz. fin il 1987). 1808 199 abit.; 1835 301; 1850 229; 1900 272; 1950 418; 1990 398; 2000 441. A Pleif existan fastizs d'in abitadi dal temp da bronz tardiv e chats da munaida da la sava dal 3. al 4. tschientaner. La baselgia parochiala da S. Vintschegn cun sia substanza architectonica romanic-gotica (reconstruida il 1661-62), menz. per l'emprima giada enturn l'onn 843 sper in bain roial, valeva sco bain feudal imperial. Pli tard è ella ida en possess dals Welfs ed enturn la mesadad dal 10. tsch. al chapitel catedral da Constanza. Il 1204 aveva il prevost dal chapitel da Constanza il dretg da padrunadi sur la baselgia. En il 14. tsch. era ella en possess dals signurs de Belmont, il 1371 dals baruns de Sax-Mesauc (ierta) ed il 1483 da l'uvestg da Cuira. La baselgia (en possess dal cumin da la Lumnezia) era il center d'ina gronda pravenda da vallada che cumpigliava l'entira regiun da la posteriura dretgira auta da la Lumnezia. Durant la colonisaziun intensiva tras ils Gualsers è sa separada la Val S. Pieder ecclesiasticamain da Pleif (ca. 1300). La baselgia da S. Maria a Degen/Fraissen era sa liberada gia pli baud ed aveva furmà in'atgna pravenda pitschna. Lumbrein è sa separada tr. il 1345 ed il 1442, Duvin il 1526, Surcasti cun Tersnaus e Camuns il 1528, Vrin il 1597, Surcuolm il 1643, Cumbel il 1653, Vignogn il 1697, Degen cun Rumein e Vattiz il 1891, Morissen il 1907 e Peiden il 1910. A la fin dal 13. tsch. èn idas div. migiurias en possess episcopal. Grazia a sia funcziun da center ecclesiastic ed a l'influenza da la fam. patriziana de Mont, ch'han appartegnì a la classa dirigenta da la Lumnezia e da la LG dal 15. fin il 19. tsch., è V. daventà il lieu principal da la val. A V. sa raduna la dretgira cirq. ed - en roda cun auters lieus - era il cumin. La vischnanca dispona dapi il 1887 d'ina scola secundara cirquitala. Dapi l'avertura da las Pendicularas Val Lumnezia SA (1970) è vegnì mess a disposiziun dapli spazi d'abitar per il turissem (d'enviern). Il 2002/03 offriva V. 494 letgs en la parahotellaria. Entant che l'agricultura tradiziunala tschessa, creschan dapi il 1980 ils secturs secundar e terziar. Meglieraziun gen. 1977-2007. Part da la populaziun da lingua rum.: 2000 83,9%/92% (ML/Lindic). Litteratura: Gem. GR, nr 206, 1983; H. Maurer, Die Kirche St. Vicentius in Pleif und das Schicksal karolingischen Reichsguts im Lugnez und am Vorderrhein, en: Churrätisches und st. gallisches Mittelalter, 1984, 53-66; G. Caduff, Pleif, 1991; Kulturführer Val Lumnezia und Vals, edì da D. Blumenthal e.a., 2000. Ursus Brunold  Veit, Basilius Velleman, Anton  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: