e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Wihler, Albert Wildenberg, von  Wildenberg Fortezza en il center da la vischnanca da Zernez, transfurmada en il temp modern tempriv en in chastè marcant. Dal chastè-fortezza originar èn mantegnids mo anc la tur e substanzas da mirs dal temp medieval. W. n'è betg doc. sco chastè. Il 1377 vegn menz. ina curt W. ze Sarnetz en possess da l'uvestgieu da Cuira. Sco patruns pon ins supponer ils baruns de Sagogn-W. I manca dentant in doc. che cumprova relaziuns directas. Per il 1283 vegn dentant doc. possess dals W. a Brail (sur Zernez) ed avant il 1288 la vendita da dretgs da dieschma a l'uvestg da Cuira ch'ha impegnà il chastè il 1296 als Plantas. In rom da la fam. Planta sa numnava alura Planta-W. Il 1618 han ils da l'Engiadina Bassa destruì il chastè. L'edifizi actual è vegnì construì suenter il 1620. Dapi il 1956 furma el la sedia da l'administraziun com. da Zernez. Litteratura: Clavadetscher/Meyer, Burgenbuch, 209 s. Adolf Collenberg  Wihler, Albert Wildenberg, von  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: