e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Beccaria Beccaria, Paolo  Beccaria, Giovanni * ca. 1511 a Lucarn, † 1580 a Clavenna, numnà Canesa. Oriund d'ina fam. milanaisa bainstanta, domiciliada a Lucarn. I n'existan naginas indicaziuns cumprovadas davart sia vita avant il 1536. Quel onn ha el surpiglià la direcziun da la scola da lat. a Lucarn. Enturn il 1539 ha el cumenzà a s'interessar per las ideas da la Refurmaziun ch'el ha gidà a propagar cun il sustegn finanzial dal landfoct Joachim Bäldi e cun l'assistenza teologica da Konrad Pellikan. Suenter ina disputaziun publica davart la religiun (avust 1549), è B. vegnì arrestà temporarmain. El ha alura bandunà Lucarn, ha infurmà ils chantuns ref. davart las difficultads da l'ecclesia locarnensis ed è sa retratg en il Mesauc, nua ch'el ha fatg da scolast e preditgant; ami da l'activist ref. Giovanni Antonio Viscardi. Il 1555 ha el suandà sco catechet e diacon ils refurmads da Lucarn bandischads a Turitg. Il 1559 è el puspè turnà sco preditgant en il Mesauc, danunder ch'el è dentant vegnì stgatschà il 1561 sin intervenziun dals catolics. Il 1570 ha el empruvà, senza success, da turnar da ses refugi a Clavenna en il Mesauc. Il 1571 è el daventà plevon a Buond. Litteratura: Camenisch, Reformation und Gegenreformation, 97-124; R. Pfister, Die Reformationsgemeinde Locarno 1540-1555, en: Zwingliana, 10/1955, 161-81. Emidio Campi  Beccaria Beccaria, Paolo  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: