Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Ziegler, PaulZindel, Christian lemma sequent

Zignau
Fracziun da la vischnanca polit. da Trun, tud. Ringgenberg, cun ils aclauns Lumneins, Darvella Dado e Tiraun. L'aual da Zavragia furmava en il 9. tsch. il cunfin vest da la Cent Tuverasca (Surselva) cun la Cadi. La baselgia deditgada als ss. Giachen e Cristoffel, ina baselgia filiala da Trun, è dapi il 1678 ina chaplania. Z. è permanentamain periclità dad auas grondas da la Val Zavragia (tr.a. il 1927 ed il 1987).
Il chastè da Z. cun tur, mir da tschinta ed edifizis secundars sin ina collina da morena sur Z. (oz ina ruina), erigì en la segunda mesadad dal 13. tsch., pli tard engrondì, è vegnì bandunà en il 15. tschientaner. Quest chastè ministerial dals nobels de Ringgenberg vegn designà en las brevs da federaziun dal 1351 e 1352 sco punct da cunfin dal cirquit d'agid confederal. La dumonda, schebain ils nobels da Ringgenberg/Z. eran in rom dals Ringgenbergs domiciliads al Lai da Brienz/BE (vopna correspundenta) n'è betg sclerida.


Litteratura:
P.A. Vincenz, Die Burgen Fryberg und Ringgenberg bei Truns, 1922; Clavadetscher/Meyer, Burgenbuch, 354 s.; C. Tomaschett, Die Orts- und Flurnamen der Gemeinde Trun, 1991; A. Collenberg, Drei Berggemeinden - drei Entwicklungen: Trun, Andeer und Saas i.P. (1850-1950), 2002; LQ, 16-6-2004.

Adolf Collenberg

lemma precedents Ziegler, PaulZindel, Christian lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :