Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Symonds, John AddingtonTaglia lemma sequent

Tach, Marcus
Attestà il 1509-62, da Zernez, numnà era Tatius Alpinus Marcus u Streicher Marcus. Figl d'in caluster. Studis umanistics a Minca ed Ulm. Professer da poesia ad Ingolstadt. Assessur da la dretgira imperiala da la curt a Speyer 1550. Chancelier da l'uv. Moritz von Freising 1559. Il 1533 ha T. publitgà ens. cun auters students la «Progymnasmata», ina collecziun da poesias en latin, scrittas da commilitons e deditgadas al banchier Raimund Fugger dad Augsburg. T. ha tgirà correspundenza cun Simon Lemnius e Gian Travers. Autur d'ina poesia elegica davart la Guerra a la Chalavaina, deditgada a l'umanist Gian Colani da Chamues-ch. 


Litteratura:
Bezzola, Litteratura, 149 s.

Martin Bundi

lemma precedents Symonds, John AddingtonTaglia lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: